घायलको तरही मुसायरा-६

सुचना! सुचना!! सुचना!!!

आदर्णीय अग्रज ज्यु समकालिन मित्र तथा पाठकहरु यहाँहरुलाई अवगत भएकै कुरा हो की हाल 'घायलको तरही मुसायरा' आफ्नै ब्लगमा संचालन हुँदै आएको छ । गत श्रीङ्खलाहरुमा बिबिध प्राबिधिक कठिनाइको वाबजुद पनि यहाँहरुको उल्लेख्य सहभागिताले मलाइ निक्कै खुशि बनाएकोछ । समग्रमा भन्नु पर्दा यो गजलको बिकासमा अर्को एक फड्को हो । यसको श्रेया यहाँहरुलाई नै जान्छ र म भित्री हृदयदेखि नै आभार सहित धन्यबाद् ज्ञापन गर्दछु । यसरी नै यहाँहरुको निरन्तर साथ पाइरहने अपेक्षा पनि गर्दछु । यहाँहरुलाई रचना पोस्ट गर्न कुनै समस्या आइ परेमा मलाइ फेसबुकको इन बक्समा मेसेज पठाउँनु होला म समाधान गर्ने कोशिश गर्नेछु । धन्यबाद !
अरबी, फारसी, उर्दु गजलमा लोकप्रिय 'तरही मुसायरा' एक शास्त्रिय परम्परा हो जसले शायरहरुमा इन्धन (शक्ती) भर्दछ । ठूला-ठुला मुसायराहरुमा तत्कालै कुनै पनि गजलको 'मिसरा-ए-सानी'दिएर गजल कथ्ने र त्यसरी कथेको गजल वाचन गरिन्छ अनी ति मध्यबाट उत्कृष्ट गजललाई पुरस्क्रित गरिन्छ । यस्तो मुसायराले गजलकारहरुले आफुलाई अरुसँग दाँज्ने र सिक्ने अवसर पनि पाउँदछन् ।

'घायलको तरही मुसायरा-६' यहाँरुको सामु छ । 'घायलको तरही मुसायरा'ले अर्को छलाङ्ग मारेको कुरा यहाँहरुलाई अवगत नै छ । घायलको तरही मुसायरा आफ्नै ब्लगमा सफलता पुर्वक संचालन भईरहेकोछ । यसैगरी यहाँहरुको न्यानो साथ रहने नै छ भन्ने आशा गरेकोछु । संग्रह प्रकाशन गर्ने संकल्प र योजना आफ्नो ठाउँमा छाँदै छ । सँधै झैं हरेक श्रीङ्खलाहरुमा अलग अलग गजलकारहरुको गजलको मिसरा-ए-सानी दिंदै जानेछु । अझ खुशीको कुरा ! हरेक श्रीङ्खलामा यहाँहरुले पोस्ट गर्नु भएको गजल मध्यबाट उत्कृष्ट ३ गजल छनौट गरिने छन् जुन आगामी गजल संग्रहमा समावेश गरिनेछ । म अब देखी हप्ताको
एक श्रीङ्खला लिएर आउँनेछु आशा छ समय अभावले मैले भाग लिन पाइन भन्ने गुनासो रहने छैन । यहाँहरुले गजललाई राम्रोसँग केलाएर उत्कृष्ट बनाउँन पनि प्रयाप्त समय मिल्नेछ । यहाँहरुसँग म यो बिनम्र अनुरोध गर्दछु कि गजल पोस्ट गर्न हतार नगर्नु होला । तल उल्लेखित नियमको परीधिभित्र रहेर सबैले सहभागीता जनाउँन सक्नु हुनेछ ।

(१)घायलको तरही मुसायराका सहभागीले पालना गर्नु पर्ने नियमहरु

(क) प्रत्येक सहभागीले दिईएको 'मिसरा-ए-सानी'कै आधारमा र त्यो मिसरालाई गजलमा समावेश गरी गजल लेख्नु पर्नेछ । अन्यथा मुसायरामा समावेश गराइने छैन ।
(ख) एक भन्दा बढी गजल पोस्ट गर्न पाइने छैन । गरेमा सबै अमान्य हुँनेछ ।
(ग) गजल तोकिएको अवधिभित्र नै ब्लगमा पोस्ट गर्नु पर्नेछ । म्याद सकेपछी आएको गजललाई छनौटमा सहभागी गराइने छैन ।
(घ) अगाडि अरुले पोस्ट गरेको गजलको हुबहु नक्कल गरेको गजल मान्य हुँनेछैन ।
(ङ) गजल अनिवार्य पाँच शेरको हुनुपर्ने छ ।
(छ) गजलको संरचनामा मिलेको हुनु पर्नेछ ।
(ज) गजलमा अस्लील वा सामाजिक सद्भावमा असर पुग्ने शब्द प्रयोग गर्न पाइने छैन .
(झ) आफ्नै संस्क्रिती,परम्परा,जीवनशैली,भेषभुषा आदी झल्काइएको/समेटिएको गजललाई प्राथमिकता दिईनेछ ।
(ञ) तरही मुसायरामा प्रकासित गजललाई अन्य ठाउँमा प्रकाशन वा प्रसारण गर्नु परेमा स्रोत ,सन्दर्भ वा मुख्य सर्जकको नाम उल्लेख गर्नु अनिवार्य छ ।
(ट) तल दिएको मिसरा-ए-सानी लाई गजलको मतलामा नभै अन्य कुनै शेरमा समावेश गर्नु पर्ने छ  ।
(ठ) अब देखी 'घायलको तरही मुसायरा' ब्लगमा संचालन हुँने भएकोले ब्लगमा पोस्ट गरेको गजललाई मात्रै मान्यता दिईनेछ ।
स्कुल जीवनदेखी नै कबिता,लघुकथा साथै साहित्यका बिबिध क्षेत्रमा कलम चलाउँदै आउँनु भएका जितेन्द्र मल्ल क्याम्पस जीवनमा आइपुग्दा १० जना साथिहरु मिलेर संयुक्त कबिता संग्रह 'अञ्जुलीमा अभियन्त' प्रकाशन गरिसक्नु भएको छ । युएईमा रहेर निक्कै मिठा-मिठा गजलहरु फेसबुक मार्फत पस्किंदै आउँनु भएका प्रतिभाशाली गजलकारको यो मिसरा-ए-सानी 'मुग्लानीको पीडा खार्ने गजल अब लेख्दिन भो' लाई आज तरहको रुपमा पेश गरेकोछु । यहाँहरुले पनि यसैको आधारमा एक पूर्ण गजल लेखेर यहि ब्लगमा पोस्ट गर्नु होला ।

गजल: जितेन्द्र मल्ल  
मिसरा: मुग्लानीको पीडा खार्ने गजल अब लेख्दिन भो
काफिया: खार्ने
रदिफ: गजल अब लेख्दिन भो
लय: मुग्लानीको /पीडा खार्ने //गजल अब /लेख्दिन भो
४+४+४+४=१६

गजल पोस्ट गरिसक्नु पर्ने अन्तिम दिन बिहीवार २१ अप्रिल,२०११ रातको १२:०० बजे (युएई समय अनुसार)

गत हप्ता मैले सोधेको थिएँ 'ब्लगमा सिर्जना वा प्रतिक्रिया पोस्ट गर्न समस्या पर्‍यो ?' तपाइहरुको मत अनुसार धेरैले जानकारी दिनु पर्‍यो भन्नु भएकोले यहाँ कसरी आफ्नो सिर्जना/प्रतिक्रिया पोस्ट गर्ने भन्ने बारेमा जानकारी दिंदैछु । 

1) तपाईंले आफ्नो प्रतिक्रिया लेख्न चाहेको श्रीङ्खला वा रचनालाई खोल्नुहोस् 
2) त्यसको तल हेर्नुहोस् जहाँ पोस्ट अ कमेन्ट (Post a comment) लेखिएको छ त्यसमा क्लिक गर्नुहोस् 
3) एउटा बक्स आउँछ त्यहाँ आफ्नो प्रतिक्रिया वा सिर्जना पेस्ट गर्नुहोस् 
4) त्यहाँ आफ्नो परिचयको लागि अप्सन छनौट गर्नुस् 
5) Name/URL मा क्लिक गर्नुहोस् 
6) त्यसको तल आफ्नो नाम लेख्नुहोस् 
7) तपाईंले क्याप्स (बाङ्गो टिङ्गो अक्षर र अंकहरु)आउँछ त्यो देखाएको बक्समा टाइप गर्नुहोस् 
8) त्यसको मुनि (Publish your comment) पब्लिस योर कमेन्ट्समा क्लिक गर्नुहोस् अनी प्रकशित हुने प्रतिक्षा गर्नुहोस् 
नोट: यदि तपाईं यो ब्लगको सदस्य बनी सक्नु भएको छ भने मात्रै साइन इन गरेर आफ्नो रचना वा प्रतिक्रिया पोस्ट गर्न सक्नु हुनेछ । त्यसैले यहाँहरु सबै सदस्य बनिदिनु होला । धन्यवाद !

'घायलको तरही मुसायरा-६' मा दिईएको तरहको पूर्ण गजल यस प्रकार छ । 

जून तारा मात्रै झार्ने, गजल अब लेख्दिन भो । 
मुग्लानीको पीडा खार्ने, गजल अब लेख्दिन भो । 


प्रीती लेखे माया दुख्छ, ब्यथा लेखे कथा दुख्छ,
जे लेखे नि सुख बार्ने, गजल अब लेख्दिन भो ।


भिर लेखे पाखा मर्छ, गीत लेखे भाखा मर्छ,
यौटा बचाइ अर्को मार्ने गजल अब लेख्दिन भो ।


खेल न हो जिन्दगानी, कोही जित्छ कोही हार्छ,
यौटा जित्दा अर्को हार्ने गजल अब लेख्दिन भो ।



साहित्यले जोड्नु पर्छ लाखौं लाख मनहरु 
मित्रता मै चिरा पार्ने गजल अब लेख्दिन भो ।



सहभागिताको लागि यहाँहरु सबैलाई धेरै धेरै धन्यवाद ! अब भोलि 'घायलको तरही मुसायरा-७' अप्रिल २२,२०११ दिनको १२-१ बजे (युएई समय अनुसार) आउँनेछ प्रतिक्षा गर्नु होला धन्यवाद !