गज़ल:कैले फेर्ने घरको छानो, जूनले सोध्छ घरि घरि I
दिपक के सी ''पीडित"
कैले फेर्ने घरको छानो, जूनले सोध्छ घरि घरि !
कस्ले पुछ्यो रंग मेरो, चुनले सोध्छ घरि घरि !
चौबन्दिको तुना काटी, नांगीनेको होड चल्दा,
मेरो पालो आउन्न की, ऊनले सोध्छ घरि घरि !
न त छाक टार्नै सक्छौ, न त आङ ढाक्नै सक्छौ,
बढे के भो मेरो भाउ, सुनले सोध्छ घरि घरि !
उठाई खुँडा जाइ लाग, सामन्ती र बैरी माथि,
किन बन्छौ निर्धो सधैँ, खुनले सोध्छ घरि घरि !
तिमि आउने बाटो हेर्दै, रोइ राछ मातृभूमि,
कति बस्छौ प्रबासमा, नुनले सोध्छ घरि घरि !
बक्लौरी -४ सुनसरी
हाल: कतार शेल, कतार
Posted by Unknown
on 4:41 PM.
Filed under