कबिता:- नाता
अर्धनग्न छन् दिलाशाहरु
कामेच्छामा तल्लिन छन् यौनांगहरु/
साधनारत छन् नाठाहरु
ज्वारभाटा झै उठेका प्यासी छालहरुलाई
तृप्त पार्न र मेटाउन /
पराकाष्ठाको उत्तरार्धमा
तोडिए/चुटिए/फुटिए
सबै शेशांष अस्तुहरु
झड्याम्म झड्याम्म .............../
ति प्यासी कुकृत्य खेलहरु
लुक्न सकेनन् यथार्थ देखि
झुमिए/थुनिए/पोखिए
चारैतिर छताछुल्ल भएर
सम्भोग क्रिडाहरुका धोकेबाज सम्मोहनहरु/
जुन समाजले पचाउदैनन्
अनि मन मुटु कसैको रसाउदैनन्
चोखाउन/पखाल्न/मेटाउन
लागेका घृणित धब्बाहरुलाई /
त्यसैले स्वयमं बिवश बने परिबन्धहरु
फुट्याउन नाताका चुराहरु अनि
नयनबाट खसेका अश्रु थोपाहरुले
आफै पखाले सिउदोका रंगहरु/
नाता भित्रका बक्ररेखाहरु
काटिए/छाटिए/रेटिए
अनि हराए फेरि अनन्त भित्र
कहिले नमिल्ने गरी
शुन्यता भित्र क्रमश: क्रमश: ............./
Posted by Unknown
on 5:08 PM.
Filed under