आधा दर्जन रुपक गेडी
-टेकेन्द्र अधिकारी
(१)
गेडी लेखौँ साथी हो, विधा नयाँ साहित्य
छोटो मीठो भावना, खुल्छ खुबै लालित्य
पाल्पाली,
ढाकाटोपी, शीरै नेपाली ।
(२)
सम्विधान बन्दैन, कैलेसम्म पर्खिने ?
उँभो लाग्ने बाटो छ, उँधै कति फर्किने ?
देखियो,
नेपालीको, भाग्य रेटियो ।
(३)
उहिले त मलाई नि, नेता बनौँ लागेको
धन्न गल्ती गरिनँ, बुद्धि कता भागेको
नेपाल,
नेता देख्दा, दुख्छ कपाल ।
(४)
मनभरि मायाँ छ, सुनिदिने को होला
यो मनको भावना, बुझिदिने जो होला
छायाँमा,
बाँच्छ मान्छे, दया-मायामा ।
(५)
भनौ भनौ ला'को छ, मन त्यतै गा'को छ
कुरा राखुँ कसोरी, कसम नै खा'को छ ?
बन्धन,
माया भए, हुन्न नभन ।
(६)
तिम्रै लागि जन्मेछु, जुनी-जुनी तिम्रै म
तिम्रै लागि बाँच्दैछु, मरे पनि तिम्रै म
सरर,
तिमी पाए, मनै भरर ।
-विराटनगर, नेपाल
Posted by Unknown
on 9:15 PM.
Filed under