"गुराँस सिउंरी शिरमा"

गुराँस सिउंरी शिरमा, कता हिडेकी निरमाया ?
उनेर यो मन झिरमा, कता हिडेकी निरमाया ?

आउ न बस न छेवैमा, बात मारौ न पिरतीको,
नग्न पाउं खोलि तिरमा, कता हिडेकी निरमाया ?


छट्पटेका होलान् मनमा, मिठा बैंशका फुलहरु,
बाँधी रहर जन्जिरमा, कता हिंडेकी निरमाया ?


आतिन्छु त्यसै खै किन हो, देखिन भने तिमीलाई,
डुबाई मलाई पिरमा, कता हिंडेकी निरमाया ?


पर्ख न आउंछु म पनि, संगै हिडौला जुनी भर,
छोडेर मलाई भिरमा, कता हिंडेकी निरमाया ?





!! जेठा दाई 'प्रखर' !