लघुकथा: बर्तमान

कार्यालय बाहिर ठुल ठुला स्वरमा नाराबाजी भैरहेछ । एउटा भूसतिग्रे, "जनता मार्न पाइदैन","घुसखोरी बन्द गर", "हाकिमलाई कार्वाही गर्" भन्दै आफूहरु जस्तै मित्र हरुको बिचमा बसी कराई रहेको थियो । पत्रकारहरु आउंछन् प्रश्न सोधिन्छन । नारावाजहरु पत्रकार सामु हाकिमले कार्यालयको रकम हिनामिना गरेको र हरेक काम आफ्नो मान्छेलाई दिएको हुँदा निजलाई कारबाही गर्नु पर्ने र नगरे आन्दोलन गर्ने कुरा राख्छन् ।

केहिछिनमा प्रहरी आउँछ । 

अश्रुग्यांस छोडिन्छन् । 

चक्का जाम हुन्छ ।         

वार्ता कमिटी बन्छ । 

बैठक बस्छ,

बैठकको अन्त्यमा कार्यालयबाट आएको कमिशन आधा /आधा बाड्ने गरि बैठक सिध्दिन्छ ।

बाहिर दुबै पक्ष हंसिलो मुद्रामा मिडिया सामुन्ने देखिन्छन् । दुबै पक्षले पहिला गरेका गल्ति अब नगर्ने गरि आत्मालोचना गरि सहमति भएको कुरा प्रकाश पारिन्छ ।