जीवन आखिर यात्रा रै'छ
जीवन आखिर यात्रा रै'छ हिंडे पछी थाहा पाएँl
गन्तव्यमा पुगौं भनि हजार बाटो एक्लै धाएँl
भाग्यै खोटी हुँदा हारें कहीं ठेस लागि लढें
तर पनि हिम्मत गरि जंघार तर्दै अगी बढेंl
दु:खका ति पलहरुमा मनको गीत मैले गाएँ
गन्तव्यमा पुगौं भनि हजार बाटो एक्लै धाएँl
उजाड लाग्थ्यो जिन्दगी नै आशै टुटी गए पछी
थकित भै गली दिन्थ्यो यात्रा लामो भए पछीl
सपनाहरु जलि रहंदा शितल बर्षा भनि छाएँ
गन्तव्यमा पुगौं भनि हजार बाटो एक्लै धाएँl
जीवन आखिर यात्रा रै'छ हिंडे पछी थाहा पाएँl
गन्तव्यमा पुगौं भनि हजार बाटो एक्लै धाएँl
सुवास संगम राई
लोखिम - ३ सोलु
Posted by Bikash Shah (Ghayal)
on 2:32 PM.
Filed under