गज़ल:-अभावहरु झेलेर नै जिन्दगी यो चलेको छ
कल्पना अवस्थी
अभावहरु झेलेर नै जिन्दगी यो चलेको छ
दु:ख पीडा पेलेर नै जिन्दगी यो चलेको छ
कहाँ मिल्छ सबै कुरा भने जस्तो सबैलाई
आँसु संग खेलेर नै जिन्दगी यो चलेको छ
मर्न यहाँ गार्हो होईन बाँच्न पर्छ संघर्षमा
जिबन गाडी ठेलेर नै जिन्दगी यो चलेको छ
जाल जस्तै बुन्ने गर्छन् साथी पनि एक्लो देख्दा
जाल माँझ जेलेर नै जिन्दगी यो चलेको छ
बिक्नै रै'छ पिठो यहाँ बोल्न जाने हेर साथी
चामल यहाँ बेलेर नै जिन्दगी यो चलेको छ
Posted by Unknown
on 7:27 PM.
Filed under