लघुकथा:-अर्को जूनी

बसन्त कुमार श्रेष्ठ 'क्षितिज'

"एँ बा "

"किन ?" 

"बा,हाम्रो घरमा बत्ति कहिले बल्छ ?"

"मिटर जोडे पछि"

"मिटर कहिले जोडिन्छ ?"

"पैसा भए पछि"

"पैसा कहिले हुन्छ ?"

"खै थाहा छैन्"

"भननुस् न ?"

"अर्को जुनिमा ।" फाटेको सयौ ठाउँमा टालिएको कोटको प्वालमा औंला घुसार्दै बोल्यो । 

"अर्को जूनी पाउन ?"

"मर्नु पर्छ ।"झोकिदै बाउ बोल्यो । 

"एँ" भन्दै छोरा सुत्न गयो ।

............

.............

बिहान बुढो बा खाबा समाइ रुदै देखियो । छोराको लाश आँगनमा सेतो तन्नाले ढाकिएर राखिएको थियो । छेउमै उसको पुरानो केही कपडा पत्रिकामा पोको पारिएको थियो जहाँ राखिएको लोड सेडिङ्गको तालिकालाई हावा हल्लाइ रहेको देखिन्थ्यो ।