घायलको तरही मुसायरा-२७
घायलको तरही मुसायरा-२६ पनि सफलतापूर्वक सम्पन्न भएकोछ ! यसको लागि सम्पूर्ण श्रेया तपाईहरु नै जान्छ ! यहाँहरुको सकृय सहभागिताले नै मैले निरन्तर यो अभियानलाई अगाडी बढाउँन सफल भएकोछु ! त्यसैले यहाँहरुलाई म भित्रि हृदय देखि नै हार्फिक आभार व्यक्त गर्दछु ! यो तपाईहरुको निरन्तर साथले तरही मुसायरा मात्र नभएर गज़लको एक ऐतिहासिक पाटोलाइ पनि सबैको सामु स्थापित गर्न सफल भएका छौं ! 'घायलको तरही मुसायरा-२७' यहाँहरुको सामु छ यसरी नै यहाँहरुको निरन्तर साथ रहनेछ भन्ने आशा राखेकोछु !
अरबी, फारसी, उर्दु गजलमा लोकप्रिय 'तरही मुसायरा' एक शास्त्रिय परम्परा हो जसले शायरहरुमा इन्धन (शक्ती) भर्दछ । ठूला-ठुला मुसायराहरुमा तत्कालै कुनै पनि गजलको 'मिसरा-ए-सानी'दिएर गजल कथ्ने र त्यसरी कथेको गजल वाचन गरिन्छ अनी ति मध्यबाट उत्कृष्ट गजललाई पुरस्क्रित गरिन्छ । यस्तो मुसायराले गजलकारहरुले आफुलाई अरुसँग दाँज्ने र सिक्ने अवसर पनि पाउँदछन्
जीतु खड्का 'गाउँले'को जन्म झापा जिल्ला दमक नगरपालिका १५ मा २०३८ सालमा भएको हो ! २०४२ सालमा स्थाई रुपमा उर्लावारी गाबिसमा बसाइ सरेपछि त्यहि को उर्लावारी बहुमुखी क्याम्पसबाट +२ सम्मको अध्यायन पुरा गर्नु भयो उहाँले ! संकटकालको बेलामा माओबादीको सदस्यता लिए वापात सन् २००२ मा साउदी अरबतिर पलायन हुन बाध्य हुनु भयो र हाल ल्याब प्राविधिकको रुपमा उतै कार्यरत हुनु हुन्छ ! हासो ठट्टा गर्न रुचाउने उहाँले कलेजकादिनमा भित्ते पात्रो सम्पादन मण्डलमा रहेर काम गर्नु भएकोछ र अन्जानैमा साहित्यमा कलम त्यहि बेला देखि चलाउन थाल्नु भएको हो ! आजभोली बिशेषता: गज़ल लेख्न रुचाउनु हुने गाउँले को गज़ल यसभन्दा अगाडी भाग-१६ मा पनि मिसराको रुपमा दिएको थिएँ र यो दोस्रो पटक समावेश गर्दैछु मैले ! आजको 'घायलको तरही मुसायरा-१६ मा यो मिसरा-ए-सानी 'मेची काली फैलिएर फुकेको छ मेरो देश' लाइ 'घायलको तरही मुसायरा-२७' मा तरहको रुपमा दिएको छु ! माथी उल्लेखित मिसराको आधारमा एक पूर्ण गज़ल लेखि फेसबुक, www.literatureofnepali.com वा info@literatureofnepali.com पोस्ट/इमेल गर्नु हुन हार्दिक अनुरोध गर्दछु !
गजल पोस्ट गरि सक्नु पर्ने अन्तिम दिन बिहीवार १५ डिसेम्बर,२०११ रातको १२:०० बजे (युएई समय+४ अनुसार)
गजल: जीतु खड्का 'गाउँले'
मिसरा: मेची काली फैलिएर फुकेको छ मेरो देश
काफिया: फुकेकोछ
रदिफ: मेरो देश
लय: मेची काली फैलिएर फुकेको छ मेरो देश
लय:- ४+४+४+४=१६
हिमालको काख भित्र लुकेको छ मेरो देश
मेची काली फैलिएर फुकेको छ मेरो देश
खाटा पनि बस्या छैन घाऊहरु अतितका
द्वन्द भित्र पिल्सिएर दुखेको छ मेरो देश ||
कती बने योजना त आल्मारी मै थन्किए ती
पाएका ती मौकाबाट चुकेको छ मेरो देश ||
खडेरीको महामारी कुरा सुन्छु मेलम्चिको
खेर फाली जलस्रोत सुकेको छ मेरो देश ||
घट्दैन भो गरीबी त नेता मोटा हुँदै जाँदा
मौलाउदा भस्टचारी झुकेको छ मेरो देश ||
घायलको तरही मुसायराका सहभागीले पालना गर्नु पर्ने नियमहरु
(क) प्रत्येक सहभागीले दिईएको 'मिसरा-ए-सानी'कै आधारमा र त्यो मिसरालाई गजलमा समावेश गरी गजल लेख्नु पर्नेछ । अन्यथा मुसायरामा समावेश गराइने छैन ।
(ख) एक भन्दा बढी गजल पोस्ट गर्न पाइने छैन । गरेमा सबै अमान्य हुँनेछ ।
(ग) गजल तोकिएको अवधिभित्र नै फेसबुकमा वा ब्लगमा पोस्ट गर्नु पर्नेछ ।
(घ) अगाडि अरुले पोस्ट गरेको गजलको हुबहु नक्कल गरेको गजल मान्य हुँनेछैन ।
(ङ) गजल अनिवार्य पाँच शेरको हुनुपर्ने छ ।
(छ) गजलको संरचनामा मिलेको हुनु पर्नेछ ।
(ज) गजलमा अस्लील वा सामाजिक सद्भावमा असर पुग्ने शब्द प्रयोग गर्न पाइने छैन .
(झ) आफ्नै संस्क्रिती,परम्परा,जीवनशैली,भेषभुषा आदी झल्काइएको/समेटिएको गजललाई प्राथमिकता दिईनेछ ।
(ञ) तरही मुसायरामा प्रकासित गजललाई अन्य ठाउँमा प्रकाशन वा प्रसारण गर्नु परेमा स्रोत ,सन्दर्भ वा मुख्य सर्जकको नाम उल्लेख गर्नु अनिवार्य छ ।
(ट) तल दिएको मिसरा-ए-सानी लाई गजलको मतलामा नभै अन्य कुनै शेरमा समावेश गर्नु पर्ने छ ।
(ठ) अब देखी 'घायलको तरही मुसायरा'फेसबुक, www.literatureofnepali.com संचालन हुँने भएकोले info@literatureofnepali.com इमेल वा पोस्ट गरेको सबै गजललाई मान्यता दिईनेछ ।
फेसबुकमा जानको लागि यो लिंक क्लिक गर्नु होला
http://www.facebook.com/note.php?note_id=303302796359968
http://www.facebook.com/note.php?note_id=303302796359968
Posted by Unknown
on 1:03 PM.
Filed under
feature,
तरही मुसायरा
.
You can follow any responses to this entry through the RSS 2.0
मोटा'का छन् सबै नेता सुकेको छ मेरो देश
ती नेताका सामुन्नेमा झुकेको छ मेरो देश
देशप्रेमी कतै-कतै देशद्रोही यत्रतत्र
कहीँ कतै बेच्लान् भन्दै लुकेको छ मेरो देश
सगरमाथा शिर यीनको मनैभरि गौतम बुद्ध
मेची काली फैलिएर फुकेको छ मेरो देश
कैले रुन्छिन् मेरी आमा चिन्तित हुँदै सन्तानप्रति
नबन्ला कि बन्ला भन्दै ढुकेको छ मेरो देश
धेरै देखे लाज नमानी देशप्रमीको ढ्वाँङ रचेको
देशद्रोहीलाई गलहत्याउन चुकेको छ मेरो देश ।
२०६८-०८-२४,बिहान ११:५० बजे
तदनुसार December 10,2011