गज़ल:-यो कस्तो व्यथा हो न लेख्न सकिन्छ

यो कस्तो व्यथा हो न लेख्न सकिन्छ 
जलेको हृदय न देख्न सकिन्छ 

तिमीले कोमल मुटु यो दुखायौ
दुखेको घाउमा न सेक्न सकिन्छ 

सम्झना आउँछ नआए हुन्थ्यो नि 
छेकौं यो मनलाई न छेक्न सकिन्छ 

मायाको बाटोमा कसरी हिंडौं म 
पीडाले भुँइमा न टेक्न सकिन्छ 

मलाइ 'घायल'बनायौ ठिकै छ
भावीको लेखोट न मेट्न सकिन्छ

दलबीर सिंह बराइली 'घायल' 
गुप्तेश्वर-३,रामेछाप 
हाल: अबुधाबी,युएई

Posted by Unknown on 9:31 PM. Filed under feature, गज़ल . You can follow any responses to this entry through the RSS 2.0