अवस्था छ ऐले..........!
गजल
पोस्टराज चापागाईं
न माया गरेको अवस्था छ ऐले...
न दागा धरेको अवस्था छ ऐले...
सिरानी सरेको अवस्था छ ऐले...
जवानी मरेको अवस्था छ ऐले...
प्रभाती निशा झैं उठाएर आँखा
बिछट्टै तरेको अवस्था छ ऐले...
तुवाँलो हिंडेको प्रियाको गलीमा
तुसारो झरेको अवस्था छ ऐले...
दिने अञ्जुलीमा, लिने टोकरीमा
बिलौना भरेको अवस्था छ ऐले...
फुटेका चुराले चुमेका पिठ्यूँमा
अमीलो छरेको अवस्था छ ऐले...
परेवा घुरे झैं गुनासो नखोली
नबोल्ने अरे'को अवस्था छ ऐले...
न जिम्दो न मर्दो हुँदा जिन्दगानी
अचानो परेको अवस्था छ ऐले...
मिले सूर्य निल्ने कुनै दुष्ट राहु
दशाले हरेको अवस्था छ ऐले...
,,,,,,,,,,,,,,,,,,,,,,,,,,,,,,,,,,,,,,,,
छन्द - भुजङ्गप्रयात
बहर - मुतकारिब मुसम्मन सालिम
२०६८-०७-२७
कीर्तिपुर
Posted by Unknown
on 3:01 PM.
Filed under