"बगैंचाको फूलभन्दा"
"रुद्र मिश्र"
बगैंचाको फूलभन्दा मग्मगाउने तिमी नै हो ।
आकाशका ताराभन्दा टल्पलाउने तिमी नै हो ।
टाढा भएँ भन्छौ किन छातीभित्र लुकीलुकी ?
सधैभरी मनमा मेरो सल्बलाउने तिमी नै हो ।
जिन्दगीमा सधै मेरो औसीरात छायो भन्छौ
पूर्णिमाको ज्योती छर्दै जग्मगाउने तिमी नै हो ।
माया विना कहाँ हुन्छ संसारको सार यहाँ
शंका गरि प्रितसँग डग्मगाउने तिमी नै हो ।
मलाई तिम्रो जवानीको नशा चढ्न बाँकी हुँदा
बैंशालु त्यो मात प्यूदै लर्वराउने तिमी नै हो ।
पाँचथर
हाल : मलेसिया
Posted by Bikash Shah (Ghayal)
on 10:23 AM.
Filed under