लौ है अब तिहार आयो,

लौ है अब तिहार आयो, ठिक्क पर सबै !
देऊराली का साथी-संगी, बेशी झर सबै !!

खेल्नु पर्छ देउसी-भैलो, मादल घन्काउदै,
पारी गाऊं का देउसे हरु, वारी सर सबै !!

धानको बाला झुली सक्यो, किन गर्छौ पीर,
खेताला र बाऊसे हरु, थकाई मार सबै !!

फुल्यो गांठे मखमली, गाऊं नै चम्काउदै,
दिदी-बैनी आउ है अब, माइती-घर सबै !!

मिली-जुली मनाऔ सबले, हाते-मालो गर्दै,
रिस- राग, वैरी भाव, खोली तर सबै !!

!!जेठा दाइ !!

Posted by Bikash Shah (Ghayal) on 11:12 AM. Filed under गज़ल . You can follow any responses to this entry through the RSS 2.0