मन कहाँ भुल्थ्यो होला डुल्ने बाग नभए त
मन कहाँ भुल्थ्यो होला डुल्ने बाग नभए तबाग भित्र कुनाकाप्चा खाली भाग नभए त।
बिनाकाम हुन्थ्यो होला हामी डुल्ने बागपनि
फूल अनि सुगन्धको मीठो राग नभए त।
महत्व नै के हुन्छ र राम्रा भन्ने कुरा पनि
बकुल्लाको बथानमा कालो काग नभए त।
राम्रा जति सबै हाम्रा भन्नेहरु के गर्नेथ्यो
त्यति राम्रो जून अझै कुनै दाग नभए त।
जिन्दगीमा द्यौतासँग क्यै माग्दिन भन्नेहरु
सधै किन भौतारिन्थे कुनै माग नभए त।
गैडा पनि अर्थ बिहिन् हुन्थ्यो होला सबैलाई
त्यो सिङमा बहुमुल्य त्यस्तो खाग नभए त।
सुबाश श्रेष्ठ
Posted by Unknown
on 11:22 AM.
Filed under