गजल-आचार्य प्रभा
 |
आचार्य प्रभा |
( गजल ) ( मातातिर्थ औंशीको पुनित अवसरमा )
जन्म दियौ कर्म दियौ जीवनको दर्शन दियौ
आखिर त्यस्को बदलामा तिमीले त के पो लियौ ?
परिवारको सुरक्षामा जिन्दगी नै सुम्पिएर
आधामरो भएर नै जीवनको सार जियौ ।
दश धारा दुधको भार हामीले त तिर्नै पर्छ
नाँगो शरीर हाम्रो ढाक्न भोटो नाना पनि सियौ ।
बाल बच्चा पालन पोषण गर्ने भार तिम्रै थियो
दु:ख सुख अभावमा कती आसुँ तिम्ले पियौ ।
बालकको चाकरमा तिम्रा उमेर त्यसै बिते
आफुलाई घोटेर नै सिद्रा बन्दै तिमी खियौ ।
संसारमा सबैभन्दा आमा जात उच्च हुन्छ
एैले मात्र होइन है सत्ययुगकी देबी थियौ ।
मातातिर्थ औंशिको पावन अवसरले हाम्रो माटोलाई स्वागत गरेछ त्यसैले मैले पनि हत्तार मा आफ्नी मात्र आमा नभइे सारा जननीलाई नै सम्झेर यो गजल श्रीजना गरें । ( रचना मे -२ २०११ )
Posted by Masti Entertainment
on 11:21 PM.
Filed under