घायलको तरही मुसायरा-३

अरबी, फारसी, उर्दु गजलमा लोकप्रिय 'तरही मुसायरा' एक शास्त्रिय परम्परा हो जसले शायरहरुमा इन्धन (शक्ती) भर्दछ । ठूला-ठुला मुसायराहरुमा तत्कालै कुनै पनि गजलको 'मिसरा-ए-सानी'दिएर गजल कथ्ने र त्यसरी कथेको गजल वाचन गरिन्छ अनी ति मध्यबाट उत्कृष्ट गजललाई पुरस्क्रित गरिन्छ । यस्तो मुसायराले गजलकारहरुले आफुलाई अरुसँग दाँज्ने र सिक्ने अवसर पनि पाउँदछन् ।

'घायलको तरही मुसायरा-३' यहाँरुको सामु छ । पहिलो दोस्रो श्रीङ्खलामा यहाँहरुको अत्याधिक सहभागीताले निक्कै हौसाएको छ । हामीले एक छलाङ्ग मारेको हौं । संग्रह प्रकाशन गर्ने संकल्प र योजना आफ्नो ठाउँमा छाँदै छ । अब म हरेक श्रीङ्खलामा अलग अलग गजलकारहरुको गजलको मिसरा-ए-सानी दिंदै जानेछु । आशा छ यसमा यहाँहरुको सकृय सहभागीता रहनेछ । अझ खुशीको कुरा ! हरेक श्रीङ्खलामा यहाँहरुले पोस्ट गर्नु भएको गजल मध्यबाट पाँचजना निर्णायक मण्डलको पोइन्टको आधारमा उत्कृष्ट ३ गजल छनौट गरिने छन् जुन आगामी गजल संग्रहमा समावेश गरिनेछ । हामी अब देखी हप्ताको एक श्रीङ्खला लिएर आउँनेछौं आशा छ समय अभावले मैले भाग लिन पाइन भन्ने गुनासो रहने छैन । यहाँहरुले गजललाई राम्रोसँग केलाएर उत्कृष्ट बनाउँन पनि प्रयाप्त समय मिल्नेछ । यहाँहरुसँग म यो बिनम्र अनुरोध गर्दछु कि गजल पोस्ट गर्न हतार नगर्नु होला । तल उल्लेखित नियमको परीधिभित्र रहेर सबैले सहभागीता जनाउँन सक्नु हुनेछ ।

गजल: अनुराग अधिकारी "अनुरागी मन"

मिसरा: यो डालीको थुँगा टिपी, कुन् डालीमा  सार्‍यौ भन

काफिया = सार्‍यौ

रदिफ = भन

लय: ४+४+४+४=१६

गजल पोस्ट गरी सक्नु पर्ने अन्तिम मिती मार्च ३०, २०११ रातको १२:०० बजे । (युएईको समय अनुसार )

यो डालीको थुँगा टिपी, कुन् डालीमा सार्‍यौ भन

सधैं ख्याल राखेकै हो, तिम्रो चाख मैमा थियो

कल्ले जित्यो तिम्रो मन, मसँग चैं हार्‍यौ भन

सागर नै तार्छु भनि, मझधार ल्यायौ अनि

मेरो माया डुबाएर, कसको पारि तार्‍यौ भन

जिन्दगीको उकालीमा, माथिबाट हात थामें

फेरी किन खुट्टा तानी, उल्टै तल झार्‍यौ भन

खुशीहरु जुटाउन, तल्लीन भै लागेकै हुँ

बाँडिचुँडी लिने बेला, किन एक्लो पार्‍यौ भन

# अनुराग अधिकारी "अनुरागी मन"

--------------------------------------------------------------------------------------------------------------------------

माया गर्ने मन-मुटु, किन अर्कै पार्‍यौ भन ?
कलेजीमै छुरा हानी, चट्टै किन मार्‍यौ भन ?

जूनी-जूनी संगै बाँच्छु, सँगसंगै मर्छु भन्थ्यौ |
मीठा-मीठा बाचा गरी, किन साँघु तार्‍यौ भन ?

म त तिम्रै माली थिएँ, तिम्रै नीम्ति हाँस्थे सधैं |
यो डालीको थुँगा टिपी, कुन् डालीमा सार्‍यौ भन ?

मेरा सारा खुशीहरु, हुन्थ्यो तिम्रो आँखाभित्र |
परेलीमै काँडेबार, ब्यर्थै किन बार्‍यौ भन ?

बनाउनु थियो 'अमर', दुनियाँमा हाम्रो प्रेम |
जित्नुपर्छ भन्ने मान्छे, किन आँफै हार्‍यौ भन ?

११ चैत्र २०६७