गीत ~प्रिय तिम्रो चिठ्ठी पढ्दा I
कल्पना 'भाबुक'
प्रिय तिम्रो चिठ्ठी पढ्दा मुटु धड्किदैछ
नाता टुटी आँसु बग्यो मन चर्किदैछ !
तिम्रो खुशी खोजि हिड्दा समुन्द्र नै तरें
परिवारको सम्झनामा पटक पटक मरें
चन्द्रमामा ग्रहण लाग्नु दोष मेरो देख्यौ
ढुङ्गाको मन रैछ अनि कठोर हुँदै लेख्यौ !
सबै कुरा तिम्ले मात्रै भने जस्तो हुन्न
बिदेसीको गुलाम् हुँदा कस्को मन रुन्न
सबै पराइ सम्झी भन्थेँ तिमी मेरो रैछौ
भ्रम रैछ यी आँखाको अर्कैको पो भैछौ !
प्रिय तिम्रो चिठ्ठी पढ्दा मुटु धड्किदैछ
नाता टुटी आँसु बग्यो मन चर्किदैछ !
Posted by Unknown
on 12:40 AM.
Filed under