घायलको तरही मुसायरा-३८
अलिकति परदेशको कामको समय परिवर्तन अनि घर जाने हुटहुटीले गर्दा हिजो राती नै राख्नु पर्ने अंक-३८ केही ढिला भयो त्यसको लागि माफी चाहन्छु ! शायद अर्को अंक देखि १ महिना तरही मुसायरा राख्न असमर्थ हुनेछु किनकि नेपालमा गएपछि नेटको सहज उपलब्धता नहुन पनि सक्छ ! र २ वटा गज़ल संग्रह प्रकाशन गर्नु पर्ने व्यस्तता पनि रहनेछ ! आशा गरौँ त्यो एक महिनाको अवधिमा तरही मुसायाराले एउटा नयाँ इतिहास कायम गर्नेछ !संधै झैं यहाहरुको सकृय सहयोग र सद्भाव रहने नै छ भन्ने आशा गर्दछु !
अरबी, फारसी, उर्दु गजलमा लोकप्रिय 'तरही मुसायरा' एक शास्त्रिय परम्परा हो जसले शायरहरुमा इन्धन (शक्ती) भर्दछ । ठूला-ठुला मुसायराहरुमा तत्कालै कुनै पनि गजलको 'मिसरा-ए-सानी'दिएर गजल कथ्ने र त्यसरी कथेको गजल वाचन गरिन्छ अनी ति मध्यबाट उत्कृष्ट गजललाई पुरस्क्रित गरिन्छ । यस्तो मुसायराले गजलकारहरुले आफुलाई अरुसँग दाँज्ने र सिक्ने अवसर पनि पाउँदछन्
नव राज घिमिरे जीको जन्म स्थान ललितपुर र हाल काठमाडौं सुकेधारामा बस्नु हुन्छ ! २०४० सालमा जन्मनु भएका उहाँले भ्याली सेकेण्डरी स्कुल हुँदै पाटन सयुक्त क्यापसमा अध्यान गर्नु भएको हो र रोजगारीको सिलसिलामा करिब ५ बर्ष दुबई हुँदै हाल युके हुनु हुन्छ !२ कक्षा देखि नै उहाँलाइ साहित्यमा रुची थियो ! हाल सम्म बिभिन्न पत्र पत्रीकामा फुट्कर कबिता, गजल र लेखहरु प्रकासित भएका छन् र भबिष्यमा नेपाल फर्के लगतै गजल एल्बम र संग्रहसँ गै निकाल्ने योजनामा हुनु हुन्छ ! मेरा निकट मित्र.खरो तथा स्पष्ट साहित्यिक बक्ता पनि हुनु हुन्छ, हो आज उनै प्रतिभाशाली गज़लकार नव राज घिमिरे ज्युको गज़लको यो मिसरा-ए-सानी 'मान्छे, मान्छे हुन खोज्दा अपमान भईरह्यो' लाइ 'घायलको तरही मुसायरा-३८' मा तरहको रुपमा दिएको छु ! दिईएको मिसराको आधारमा एक पूर्ण गज़ल लेखि फेसबुकको कमेन्ट बक्समा पोस्ट गर्नु वा, www.literatureofnepali.com वा info@literatureofnepali.com पोस्ट/इमेल गर्नु हुन हार्दिक अनुरोध गर्दछु !
गजल पोस्ट गरि सक्नु पर्ने अन्तिम दिन बिहीवार ०८ मार्च २०१२ रातको १०:०० बजे (टाइम जोन +४ अनुसार)
गजल: नव राज घिमिरे
मिसरा: मान्छे, मान्छे हुन खोज्दा अपमान भईरह्यो
काफिया: अपमान
रदिफ: भईरह्यो
लय: मान्छे, मान्छे/ हुन खोज्दा //अपमान/ भईरह्यो
लय:- ४+४+४+४=१६
घायलको तरही मुसायराका सहभागीले पालना गर्नु पर्ने नियमहरु
(क) प्रत्येक सहभागीले दिईएको 'मिसरा-ए-सानी'कै आधारमा र त्यो मिसरालाई गजलमा समावेश गरी गजल लेख्नु पर्नेछ । अन्यथा मुसायरामा समावेश गराइने छैन ।
(ख) एक भन्दा बढी गजल पोस्ट गर्न पाइने छैन । गरेमा सबै अमान्य हुँनेछ ।
(ग) गजल तोकिएको अवधिभित्र नै फेसबुकमा, वेबसाइटमा पोस्ट गर्ने वा इमेल बाट प्रेषित गर्नु पर्नेछ ।
(घ) अगाडि अरुले पोस्ट गरेको गजलको हुबहु नक्कल गरेको गजल मान्य हुँनेछैन ।
(ङ) गजल अनिवार्य पाँच शेरको हुनुपर्ने छ ।
(छ) गजलको संरचनामा मिलेको हुनु पर्नेछ ।
(ज) गजलमा अस्लील वा सामाजिक सद्भावमा असर पुग्ने शब्द प्रयोग गर्न पाइने छैन .
(झ) आफ्नै संस्क्रिती,परम्परा,जीवनशैली,भेषभुषा आदी झल्काइएको/समेटिएको गजललाई प्राथमिकता दिईनेछ ।
(ञ) तरही मुसायरामा प्रकासित गजललाई अन्य ठाउँमा प्रकाशन वा प्रसारण गर्नु परेमा स्रोत ,सन्दर्भ वा मुख्य सर्जकको नाम उल्लेख गर्नु अनिवार्य छ ।
(ट) तल दिएको मिसरा-ए-सानी लाई गजलको मतलामा नभै अन्य कुनै शेरमा समावेश गर्नु पर्ने छ ।
(ठ) अब देखी 'घायलको तरही मुसायरा'फेसबुक, www.literatureofnepali.com संचालन हुँने भएकोले info@literatureofnepali.com इमेल वा पोस्ट गरेको सबै गजललाई मान्यता दिईनेछ ।
फेसबुकको लागि तल क्लिक गर्नु होला
https://www.facebook.com/note.php?note_id=356793321010915
Posted by Unknown
on 3:31 PM.
Filed under
feature,
तरही मुसायरा
.
You can follow any responses to this entry through the RSS 2.0