गज़ल:-आज फेरि एकान्तमा रुन मन लाग्यो
प्रभा आचार्य
आज फेरि एकान्तमा रुन मन लाग्यो
मनभरिका पीडाहरु धुन मन लाग्यो /
पिर ब्यथा बाफिएर मन पोली दिंदा
आकाशको शितल जून छुन मन लाग्यो /
बिगतको ईतिहास सम्झिएर ल्याउँदा
त्यै बिगत लागु गर्न पुन: मन लाग्यो /
आफन्त र गाउँ घरको सम्झनाले दुख्दा
आफन्तको नजिकमा हुन मन लाग्यो /
घर छाडी परदेश लागेपछी मलाई
साथी भाइ सोध्ने गर्छन् कुन मन लाग्यो ?
Posted by Unknown
on 8:20 PM.
Filed under