गजल-83
दिपक के सी "पीडित"
जती मेट्छौ लेख्छु त्यती, हाम्रो कथा सानो छैन!
भोली आँखा खोल्छ होला, राज्य पक्कै कानो छैन!
-
बाढी पैरो भु-कम्पले, लछारेका बस्ती हेर्दै,
तिन्कै कथा लेख्छु म त, जस्को अझै छानो छैन!
-
दिनै भरी आरनमा, फलाम कुट्छ हर्के कठै,
उस्कै घर साँझ खाने, एक छाक मानो छैन !
-
महलको कुरा छाडौ, पिज्जा पास्ता पाक्छ होला,
सास धान्न झुपडीमा, भ्यागुरको गानो छैन!
-
यस्तै पीडा ओकलेर , भर्ने गर्छु कथा भित्र,
लेख्दा लेख्दै आसुँ खसि, नभिजेको पानो छैन!
-
हत्या हिंशा आतंकले, जन्ता सँगै देश रुन्छ,
आफु आफै टोका टोक, लाग्छ त्यहाँ रानो छैन!!
बक्लौरी-४ सुनसरी
हाल: कतार शेल कतार
Posted by Unknown
on 2:24 PM.
Filed under