पार्टी बिक्रिमा छ (ब्यङ्ग्यबन्ध )

अहिले बार्ह सत्ताइस देखी चार सय बीस,दुइ नम्बरी देखी दश नम्बरीसम्मका नेता भएका पर्टिसँग जुध्ने फन्दामा पर्नु भन्दा यसलाई बेच्नु नै बेस।यो नयाँ परमपराको थालनी हाम्रो पार्टी गरि दिएको काइदाले अन्य पर्टिलाई झन सजिलो र फाईदै फाईदा हुने । हुन त अहिले अघोसित रुपमा कती पर्टी बेचिएकै जस्तै बाहय लगानीमा चली राखेका छन। अब आयो पार्टी बेच्न मिल्ने कि नमिल्ने कुरो। बिधालय देखी माहा बिधालयसम्म,क्लिनिक देखी अस्पातलसम्म, भट्टी देखी छोट्टीसम्म किनबेच हुने ठाउमा पार्टी बेच्नु कुन ठुलो महाभारत!गाई काटे पाप लाग्ला,तपाइलाई ढाटे बात लाग्ला,जनता जनाधर नभए पनि पुरानो ब्रान्डको पार्टी हो।फेरी भन्नु होल भुत्लो नझार्ने,एउटा कन्सुत्लो नमार्ने पार्टिको के काम? त्यो त देख्नु भएकै छ नि किरो नमार्ने कती छन पार्टी यहाँ तनाम। कुरो बताइ हालु। बुढो पार्टी भए पनि,यो बाख्राको पाठी हो। हरीयो घासपातको बिटो हालेर हरीमुस्ले बोकाहरु यसमा हुल्यो भने छिटो छिटो हलक्क बढेर ढलक ढलक हिंड्न थाल्छ। ठुला ठुला पर्टीसँग भिड्न थाल्छ। चुनावमा खुकुरी तरवाल बोकी अरु पार्टिका टाउका गिड्न थाल्छ। जाताकतै तपाईंकै मुखाँ खिर । जित र सिट तपाईंकै हातमा परे पछी तपाईं केको पिर। धरोधर्म,हेर्दाइ हेर्दै तपाईं मन्त्री बन्न पाउनुहुन्छ। दुइचार दाम पनि कमाउनु हुन्छ।मसाज देखी डिस्कोसम्म रमाउनु हुन्छ।डेरा छोडि राम्रै घर ,गाडी जमाउनु हुन्छ। यो भन्दा सन्तोषी मान्छे अरु के चाहियो।

अब रहो कसरी पार्टी किन्ने कुरो। छ भने क्यासमा हुन्छ। छैन भने बाउन्स नहुने चेकमा पनि हुन्छ। त्यो पनि छैन भने नेपाल सरकारले नमाने पनि,कानुनले अबैद्द ठाने पनि ,सबैले स्वोयम सिद्द तथ्य जानेको कुरा,बेस्कन चन्दा उठाउनुस। चन्दा नदिनेलाई डन्डा उठाउनुस। बाटे ब्यापारी देखी गाठे ब्यापारीहरुलाई भाटे अपहरनको फन्दा उठाउनुस। यो पनि सकिदैन भने यसो पार्टीतिर छिर्नु होला, उधारै भयो अहिलेलाई ,पछी किस्ता बन्दिमा तिर्नु होला। जय काउकुती।

Posted by Unknown on 6:33 PM. Filed under feature, हास्यव्यङ्ग्य . You can follow any responses to this entry through the RSS 2.0