गजल:-पीडा थप्ने दिन भन्दा अँधेरी त्यो रात प्यारो
पीडा थप्ने दिन भन्दा अँधेरी त्यो रात प्यारो
दुई मनको सामिप्यले दिएको त्यो मात प्यारो।
*
भविस्यको खुशी खोज्ने बहनामा तड्पी हिँडे
रेगिस्थानको सुख भन्दा प्रेयसिको साथ प्यारो।
*
धेरै भेटें चौबाटोमा हाइ हेल्लो गर्ने मान्छे
स्वार्थ लुट्ने हाँसो भन्दा आसुँ पुछ्ने हात प्यारो।
*
भुल्ने छैन यो जुनिमा लेक बेशी संगै धा'को
छुट्ने बेला चिनो दिँदै गरेका ति बात प्यारो।
*
खाने अनी चपाउने भिन्नै दाँत देखाउँछन
पिठ पारी छुरा रोप्ने मायाँ भन्दा घात प्यारो ।
*
गोविन्द भाबुक
रचना ; १९ कार्तिक २०६८
Posted by Unknown
on 6:19 PM.
Filed under