गजल:-बनेपछि नभत्किने केही छैन साथी
बनेपछि नभत्किने केही छैन साथी।
संसारमा नबद्लिने केही छैन साथी।
सम्राज्य ती यस्ता थिए,घाम नढल्किने,
क्रान्तिपछि नपल्टिने केही छैन साथी।
आगो पनि चिसिएर बन्यो शान्त धर्ती
भोलि फेरी नसल्किने केही छैन साथी।
मृत्यु आफै अनित्य छ जन्मजीवनजस्तै
झरेपछि नफक्रिने केही छैन साथी।
करुणा र मैत्रीज्ञान फुल्छ सबैभित्र,
मन त्यस्तो नपग्लिने केही छैन साथी।
सुर्यरश्मी पाएपछि, हाँस्छ जुन पनि,
ज्योति सँगै नटल्किने केही छैन साथी।
ज्योतिपुञ्ज
Posted by Unknown
on 5:18 PM.
Filed under