कबिता:-मुर्दाको शहरहरु ....
सबी श्रेष्ठ
लाग्छ बर्षौ भयो
यि बस्तीहरु उजाडिएको
कुनै चमक छैन
रंग रोगन छैन
छन् त केवल
फुस्रा खरानीका खण्डहरहरु
अनि कंक्रिटका कंकालहरु
तर मेरो कस्तो बिबशता ?
तिनै खण्डहरका
सडक र गल्लीहरुमा
म साटिरहेछु
यि अमुल्य प्रहरहरु
म बेचिरहेछु
आफ्नै सपनाका रहरहरु
र पनि सक्दिन टाढिन
किनकी मेरो सपनामा
म एक्लै बाँचेको छैन
धरातल भुलेर हाँसेको छैन
त्यसैले त साटिरहेछु प्रहरहरु
बेचिरहेछु रहरहरु
अनि
अंगालिरहेछु मुर्दाको शहरहरु
by:sabee shrestha
27/11/2011
Posted by Unknown
on 8:38 PM.
Filed under