तिन मुक्तक
न आँखा आँखा जस्तो,न नाक नाक जस्तै छ
मुहार, हात, खुट्टा,शरीरको हालत उस्तै छ
मान्छेको चित्र बनाउ भनेको 'के हो छोरा यो'?
छोरो मुस्कुराउदै बोल्यो 'बा मान्छे यस्तै छ'।
~२ ~
बाघलाई बाख्राले तर्साउदैन
खडेरिमा पहरा सर्साउदैन
यती कुरा बुझिराख्नु भाई
पहिरोले फूल बर्षाउदैन।।
~३~
तिमी म भित्र सधैं दुख्ने घाऊ हौ
तिमी यो मेरो जीवन तार्ने नाउ हौ
यो पनि तिमी हौ त्यो पनि तिमी-
तिमी मेरो चिठ्ठी पुग्ने एउटै ठाउँ हौ ।।
- बिस्नु प्रवा सापकोटा
दमेक-१ बाग्लुङ
Posted by Unknown
on 8:27 AM.
Filed under