यस्तै भो चेली ! यो साल पनि म आउँन सकिन
यस्तै भो चेली ! यो साल पनि म आउँन सकिननिधारमा टीका गलामा माला सजाउँन सकिन
नबगाऊ चेली ! बलेको दीयो आँसुको भेलैमा
बाचा भो मेरो फर्केर आउँछु अर्को साल बेलैमा
आउँदिन भनि समयमै खबर पठाउँन सकिन
यस्तै भो चेली ! यो साल पनि म आउँन सकिन
निधारमा टीका गलामा माला सजाउँन सकिन
देउसीरे गाउँदै डुलेको पलको झल्झली याद आउँछ
नडुब्दै घाम क्षितिजबाट औंशीको रात छाउँछ
तगारो बन्यो जिन्दगी आफ्नै हटाउँन सकिन
यस्तै भो चेली ! यो साल पनि म आउँन सकिन
निधारमा टीका गलामा माला सजाउँन सकिन
हेमन्त परदेशी
हाल:दोहा, कतार
Posted by Unknown
on 9:56 PM.
Filed under